عشان الحب والي بيني وبينك, قصة روعة روعة

9irt addicted 3al story

Fank you
waiting

Next ..



la mango

فيصل: اي والله من صجي .. انا رحت دورت وتذكرتج .. قلت مالي الا اهيا
اسماء: انزين اختك ماتعرف؟
فيصل: امبلااا ذبحتها هالسوالف .. بس قلت بخليج انتي قبل .. شقلتي ؟
اسماء: اي ان شاالله افا عليك ..
فيصل استانس : صج ؟
اسماء: اي عاد شيضمني يعجبك ؟
فيصل: بيعجبني اكيد .. ولو تقولين لي شنو بشتريه ..
اسماء: اي شي ؟
فيصل: اي شي .. اهم شي يعجبج انتي
اسماء: اللاي فن
فيصل: عجبتج السالفه؟
اسماء: اي حدها ..
فيصل: انزين عاد لتقولين حق أحد .. حاولي تروحين وتختارين .. حجزيها باسمج .. وانا باخذها
اسماء: نعم ؟
فيصل: قلت شي غلط؟
اسماء: باسمي؟
فيصل: اووووه .. نسيت .. امممممم ..
اسماء: مايحتاي
فيصل: تحجزينها ؟ امبلا لازم ..
اسماء: باسم ؟
فيصل: اممممممم .. ام سعود
اسماء: ههههههه اوكي ..
فيصل: آآيه عليج ..
اسماء: متى تبيهم ؟
فيصل: على راحتج .. وقت اللي تقدرين تروحين روحي ..
اسماء: بحاول
فيصل يتطنز: اذا تبين امر عليج اوديج ماعندي مشكله
اسماء: احلف بس ؟
فيصل: والله عادي
اسماء: هههههههههههههه صل علنبي
فيصل: اللهم صلي وسلم عليه .. زين حبيبتي .. بروح اقعد ويا امي الحين .. بكلمج بعدين
اسماء: ان شاء الله ..
فيصل: مع السلامه
اسماء: الله يسلمك

ريم كانت ساكته .. سرحانه فلسفر .. ماسمعت سوالف اسماء طول الوقت تتخيل شلون اذا راحت امريكا وهوه هناك
اسماء لاحظت انها سرحانه: الووووووووو ..
ريم توها مستوعبه: هلااا
اسماء: وين وصلتي ؟؟ امريكا ؟
ريم ببراءة:اي
اسماء: واااااااااي انتي ..
ريم ابتسمت: امشي بس تغدي عندنا .. اخوج محد .. تروحين هناك شتسوين ؟
اسماء: لا ريمو
ريم: شنو لا ؟؟ ماتبين نسوي البروجكت ونفتك ؟ عشان نطلع باجر
اسماء: اي صج .. بس بروح بيتنا بتغدى بعدين بخلي رشود اييبني
ريم: اسوم .. اخوج مب ياي الا مادري مته
اسماء: انزين ابي ابدل .. ماشتهي اتم بخياسي لي فلليل
ريم: انزين بعطيج انا
اسماء: لا ابي اتسبح
ريم: ياربييييييييي على هالبنت .. بوديج البيت ركبي اخذي اغراضج وبانطرج فلسياره
اسماء تتدلع: وااي ماصدق هالكثر انا مهمه عندج؟
ريم: كرهاااااااااات ..
اسماء: تكرهج
عقب ماوصلوا يم البيت .. وقفت ريم ..: لتأخرين عاد
اسماء وهي طالعه: ان شاالله
ريم طرشت مسج حق ناصر:
( الين اليوم وانا اتخيل لقــــانا كيف ؟؟؟)
سيده اتصل .. كان ويا ربعه وطلع عنهم واتصل: قلبيييييييي
ريم: هلا والله
ناصر: شلونج يالغلا ؟
ريم: الحمدلله بخير .. انت شلونك ؟
ناصر: انا حدي مستااااااااااااااااااااااااااااااااااااااااااانس ..
ريم تسوي روحها ماتدري: دوم عساك يارب .. شصاير ونسنا ويااك ؟
ناصر مستغرب: جيف انتي مب وياهم فلسكولار شب؟
ريم تتغيبه: انا ؟؟ من قال؟
ناصر تحبط: ابوج
ريم تقص عليه: وييييي خبرك عتيج .. فصول مارضى
ناصر: من صجج ؟
ريم: اتصل له بعد سأله .. زفني قال ماتسافرين بروحج ومادري شنو
ناصر عصب: وانا وين رحت ؟ ريمو ؟ لوتدرين الوناسه وين طاقه عندي
ماتصدقين .. واخرتها تقولين لي مارضى؟ على كيفه ولا على كيفه؟(يصارخ) بتيين يعني بتيين
ريم مب عارفه شتقول: مادري
ناصر: اقول .. باي باي بتصل له وبتفاهم وياه .. تيين يعني تيين
ريم: تعااااااااااااااااال .. انت مب ويه غشمره كلش
ناصر معصب: في شنو كنتي تتغشمرين بالضبط؟
ريم خافت: ان شاالله بايي
ناصر: صجججججججج انج .. يااااااااااااااا .. افففففففففففف وقفتي قلبي يالشاقول
ريم مستانسه: كنت بجوفك شتقول
ناصر: لا؟ (يحاجي رفيجه) دقيقه بس .. دقيقه قلت لك
ريم: ...
ناصر: أذيه هالصبيان .. بروح لهم يحنون .. بكلمج حبيبتي بعدين ..
ريم: معليه فديتك روح ..
ناصر: نكمل سالفتنا عقب .. زين ابوي ؟
ريم: انزين
ناصر بهدوء: احبج .. يالله بيباي
ريم: بااي

توها حضرتها داشه: مسامحه .. تأخرت ؟
ريم: لا لا .. عادي
اسماء: اتصلت حق رشود قلت له اني باييج ..
ريم: اي زين تسوين ..

عقب صلاة العصر ..
فيصل رد من المسيد وتم يدور مب عارف شيسوي ..
دش على اخته .. نجود
نجود قاعده عالسرير وحاطه الكتااب " مقلوب" يزعم تدرس .. وداخل حاطه مجله .. وقاعد تتصفح
فيصل صادها: شتسوين؟
نجود تتذيكه: يعني ماجوفني ادرس ؟
فيصل ابتسم: وايد زين .. عاد ماتعورج عينج والكتاب مقلوب ؟
نجود مب مستوعبه: لا عادي افهم
فيصل ابتسم: عدليه
نجود طلت على الكتاب وجافته مقلوب .. تفشلت .. عدلته
نجود تبي تضيع السالفه: انت مب رايح الجم اليوم ؟
فيصل: امبلا عقب المغرب بروح .. ليش؟
نجود: لا بس اسأل ..
فيصل: اسوم للحين اهني ؟
نجود ابتسمت: ايي ..
فيصل: وينهم الحين؟
نجود: في غرفة ريمو ..
فيصل وهو طالع: زين .. يالله باي
نجود: باي

اسماء وريم تمللوا من الدراسه .. طلعوا برا يتمشون شوي ..
كانوا فاصخين شيلهم وفالين شعرهم .. كانوا متفقين يلبسون نفس الشي ..
خو اهمه كلشي نفس الشي ..
توب طويل من تحت اسود وفيه صورة بنت بالابيض وكتاابه .. .. وبرومودا بيضه
ريم: اففففف هالشعر يبيله قص
اسماء: خلييه شحلوه طويل ..
ريم: اي انتي شعليج .. مب طول شعري
اسماء:لا والله حلو
ريم: يبيله تعديل
اسماء: تعالي انتي .. يايبتني بدون شي .. ابوج وخوج محد ؟
ريم تفكر: ابوي راقد .. وفصول اظن طلع
اسماء: اشوى .. (مره وحده ) اليخسااااااااااندرو
ريم بققت عينها: ها ؟
اسماء تواصل: ماذا دهاكا يا اليخساندوو ؟
ريم تسايرها: لا شيء يا اليكساندراااا
اسماء فيها الضحكه: والله نصلح حق مدبلجات ..
ريم قعدت عالدجه : حدنا
اسماء تواصل: انني اوحوبوكا حوبان جاما يا اليخساندرو
ريم: وانني كذلك .. (قطفت لها ورده) تافاضالي يا صغيرتي
اسماء تتدلع: اااااااه .. (تشم الورده) حقاان انها جميله ..
ريم: انكي كالظل للشجرة .. وكلمااء للزهره .. بالنسبة لي
اسماء فيها الضحكه : انهو لتعبيرون جميل ..
ريم: لماذا لا نتزوج ؟
اسماء: البته البته .. لااااااااا البته البته
ريم تتطنز: البته والأونو .. لماذا؟
اسماء: سأوقاطيعوكا ايربان ايربا ان جبت هالطاري مرتون اوخرى
ريم: لماااااااااااااذا ؟
اسماء يزعم تصيح .. : لا اوريد .. لا اوريد
فيصل كان متملل .. طلع البلكون يشم هوى .. تم يسمعهم

اسماء من صجها تصارخ: انني اكراهوك .. اكراهوك .. لا اوريدك البته البته
ريم: ردينه علبته والأونو ؟؟ يا وجهو الكلافسو ؟
اسماء: لا اوريدك .. انني احبو اليخسندرخان ..
ريم: الله !!
اسماء: نعم .. اانني احبهو واكرهك انت .. اذلفو عن وجهي .. خلااص لاارويدك .. كولوش كولوش
ريم: كولوش .. اذلفي انتي .. انني احبو كرستيانا .. في هذهي اللحظتو استنتجتو
اسماء: استنتجتو ماذا؟
ريم: انني اكرهوكييي كوره العماااا
اسماء يزعم متأثره: لا لا .. مستحيل .. لاتقول شزي
ريم: شزي يعني جذي بالفصحه ؟
اسماء : ابي اعرف من وين تطلع الاسامي أصلن ؟
ريم: ههههههههههه شدراني فيج .. امشي خندش بلا اليخساندرو بلا بطيخ
فيصل في خاطره: الحمدلله والشكر .. مينن ..
جاندرا دشت عليه تصارخ: فاااااااايسوووول .. فاااااايسوول
فيصل: ها شتبين؟
جاندرا: سادووووني يافاس فووس
فيصل: ساساعد فيج ؟
جاندرا: تآآلي شيلي تاولا وياك آنا
فيصل راح وياها: تعالي يالحنانه
نزلوا تحت فلميلس ونزل وياها .. شال وياها الطاوله تبي تنظف تحتها ..
ريم واسماء كانو فلمطبخ يشربون جااي وياكلون كيك ..
ريم قاعده عالطاوله وتشرب الجاي: انا للحين مب مصدقه
اسماء قاعده علكرسي ومجابلتها .. وتاكل كيك: كلش ..
فيصل كان يبي جاي: جاندرا .. يبيلي الجاي فوق
جاندرا تتحلطم: سادوني يا فايسول .. انا في شوقول
فيصل: اففففف ولا تسوي شي .. بروح بروحي
دش المطبخ وماكان يدري ان فيه احد .. اسماء كانت ماعطته ظهرها وريم في ويهه .. من دش سيده طلع
ريم بققت عينها بس ماعطاها فرصه تتكلم سيده طلع
اسماء ماتدري شسالفه .. التفتت صوب الباب وردت تطالعها: شفيه ويهج انصفق ؟
ريم: ها ؟ لا لا ولا شي
اسماء: ريمو شفيج ؟
ريم: لا بس فصول دش وطلع
اسماء تتحلطم: يعني مايدري ان احنا هني؟
ريم: لو يدري مادش انتي بعد .. سكتي بس خنروح فوق ..
اسماء: معني خاطري فلكيك بس انسدت نفسي
ريم: امشي امشي ..
رن تلفون اسماء ووقفت تتحجى: الوو .. هلا ولله .. امممم مادري .. اوكي .. لا لا اوكي .. معليه .. ها ؟.. اوكي بجوف .. بيباي
ريم يودت اسماء وسحبتها عالدري .. : يعني ماتعرفين تتحجين وتمشين ؟
اسماء: لا عاد اذا استنيت لازم اوقف .. اذا سالفة خطيره يعني.؟
ريم: خير شصاير؟
اسماء: لا الشيخ راشد يقول بيطلع عقب المغرب ومايبيني اتم بروحي فلبيت يقولي تمي عند ريمو
ريم: ايي تمي البيت بيتج
اسماء وقفت: والله لو مب انتوا .. جان الحين
ريم تقاطعها: اسوم شهالسالفه افا عليج انتي بعد .. بس بس امشي .. (يودت يدها وسحبتها) لو عليج ولا باجر بنوصل
دشوا الغرفه وصكوا الباب ..
جاندرا ودت االجااي والكيك حق فيصل فووق .. كان الباب مبطل .. دشت وحطته
فيصل: لا ؟ حلفي بس ؟؟ شعقبه ؟
جاندرا تتسبب: انتي في جوف بنات هيلوا ؟
فيصل ابتسم: لا ماجفت شي
جاندرا: اممم ؟
فيصل: صكي الباب وراج
جاندرا طلعت وهي تتحلطم: بنات هيلوا في ماتباخ .. (صكت الباب)
فيصل هز راسه : لا اله الا الله .. (خذ تلفونه واتصل حق اسماء)
اسماء كانت ويا ريم تجوف الصور: الوو
ريم فهمت ان حبيب القلب متصل .. بطلت اللابتوب وقعدت عالمسن تسولف
فيصل بصوته العذب: هلا والله .. هلا وغلا ومرحبا ومسهلا .. هلا بالغاليه
اسماء متسناسه: هلا بيك .. شلونك؟
فيصل: انتي شلونج ؟
اسماء: الحمدلله بخير .. انت شلونك؟
فيصل: اذا انتي بخير .. انا بخير حبيبتي
اسماء ابتسمت .. : مارقدت ؟
فيصل: لا والله ماقدرت ارقد .. شوي واروح الجم
اسماء: انزين ارتاح قبل لتروح
فيصل: هذاني منسدح ..
اسماء ابتسمت .. مب عارفه شتقول: اي ؟
فيصل: قولي
اسماء: شاقول؟
فيصل: اي شي ..

abeee ..
by'6rbha

Zzzz .. Next

ريم: عاد عاد عشاني كل يوم اغنيه
ناصر: حلاوه اهيا حلاوه؟
ريم تتغيبه: شحلاوته ؟ اللاي ابي لولي بوب
ناصر: تعالي اعطيج
ريم ابستمت: تصدق عاد بايي؟
ناصر: سكتي انا للحين مب مستوعب .. مادري شبسوي اذا جفتج .. تصدقين؟
ريم: شنو؟
ناصر: خاطري اعضج
ريم: لا ولله ؟ ان عضيتني عضيتك
ناصر: وي ريمو .. مادريتي ؟
ريم: لااااا ..
ناصر: ولا انا .. خخخ
ريم: سخافتك الزايده
ناصر: افا .. انا صرت سخيف ؟
ريم: لاااااااا اتغشمر .. افا عليك ..
ناصر: احبج
ريم: وانا بعد
ناصر ابتسم: لا ؟ مابغيتي ؟ والله فيصل سوا فيج اشيا وايد .. اجوف ماخذه راحتج بالحجي
ريم: وه عليك يالحسود .. بس باسكت ولا بقولك شي
ناصر: تحملي .. اتغشمر وياج يعني ماتشدين غشمره انتي ؟
ريم: امبلااااا .. لا لا ماشد
ناصر: ياربي هالبنت .. حدج سنستف ..
ريم: هههههههههه بس عاد لتعقدوني ..
ناصر: حبيبتي .. انا عندي كلاس عقب شوي ..
ريم: اووه .. روح انزين باجر بكلمك
ناصر: باجر عندج .. بعدين عندي
ريم: هذهوه
ناصر: زين حبيبتي انتي رقدي الحين ووسعي صدرج وماصار الا الخير وتأكدي
ريم: ايوه ؟
ناصر باصراار: تأأأأأأأأأكدي
ريم: ايوه ؟
ناصر: تأكدي يابعد قلب ناصر اني احبج وابيج ومستحيل اخليج .. فاهمه
ريم مستانسه: ايوه
ناصر: ينيتي انتي ؟
ريم: لا
ناصر: حبيبتي .. يالله سوي هوى ..
ريم: ان شاالله
ناصر: تصبحين على خير حبيبتي ..
ريم: وانته من هله ..
ناصر: احببببببببببج
ريم مستانسه: وانا بعد
ناصر: يالله مع السلامه
ريم: الله يسلمك
صكته ريم وتمت واقفه .. مب فاهمه شسالفه .. مب مصدقه اللي صار .. من صجهم ذلين ؟؟
ماقدرت ترقد من الأناااااااسه ..
الفيــر
اسمااء كانت راقده ..
وفيصل كان ينطر الأذااان عشان يتصل لها يقومها
يوم أذن .. اتصل لها
اسمااء وصوتها ماله حل: الوو
فيصل بهدووء: حبيبتي
اسماء تبطل عينها بالزور: هلا والله
فيصل: هلا وغلا ومرحبا .. صلي وباتصل ..
اسماء ابتسمت: ان شاءالله
صكت التلفون وردت رقدت ..
فيصل صلى وتصل لها: الوو
اسماء نقزت: اوه لحظه .. انطر انطر ماصليت
فيصل مستغرب: رقدتي؟
اسماء متفشله: الحين بقوم اصلي .. يالله باااي
فيصل: باي
تم ينطرها .. عقب عشر دقاايق اتصل .. ماردت عليه ..
نطر شوي واتصل
فيصل: الوووووو
أسماء: هلا هلا

فيصل: صحصحتي ولا للحين؟
اسماء: على خفيف
فيصل: شلونج حبيبتي ؟
اسماء: الحمدلله بخير انت شلونك ؟
فيصل: انا ابيج
اسماء استحت: ها؟
فيصل: أبيـــــــــج .. يعني I need u بالهندي
اسماء ابتسمت: بالهندي مره وحده ؟
فيصل من صجه: محتااج لج ..
اسماء ماتستحمل: صاير شي ؟
فيصل: يعني لازم يصير شي عشان ابيج ؟؟
اسماء تفشلت: لا .. ماقصد
فيصل: تدرين ؟؟ اليوم قلت حق اختي
اسماء رفعت حواجبها: شقلت لهااااااااا؟
فيصل بهدوء: اني احبج
اسماء استحت: من صجك؟
فيصل: اي والله .. ليش قلت شي غلط؟
اسماء: لا بس .. قلت لها اسمي ؟
فيصل: شنو يعني أألف لها اسم ؟؟ لا قلت لها جريب بقول لج كل شي .. يالله قوليلي الحين شسمج ؟
اسماء: لا شوي بعد ..
فيصل: يعني انتي مب واثقه مني ؟؟
اسماء: امبلا افا عليك .. بس شوي انطر .. بليييز
فيصل: يه مب حاله ذي اكلمج واحبج وحدي من صجي وانتي مب راضيه تقولين لي اسمج ؟
اسماء: خلنا على ام سعود وبو سعود .. عطني شهر بالكثير وانا اقولك كل شي ..
فيصل: آآآآآآآه !! شهر ؟ شدعوه ؟ مب حاله ذي اول مره اسمع بعد اسم مب راضيه تقولينه ؟؟
اسماء: بلييييييييز .. طلبتك .. لتسألني .. انا بقولك .. اذا لي خاطر عندك لتسألني
فيصل مستغرب: ماقدر اردج افا عليك .. بس ممكن اعرف السبب ؟
اسماء: لا بس جريب بتعرف كل شي ..
فيصل: انتي خاشه عني شي ؟
اسماء: انا ماخشيت الا اسمي ..
فيصل: أكيد ؟
اسماء: افاااااا .. تشك يعني؟
فيصل: لا حبيبتي اسأل .. اليوم سويت شي المفروض اسوي شي غير .. بس عشانج سويته
اسماء مب فاهمه: يعني شنو؟
فيصل: يعني ولا شي ..
اسماء: لا من صجي قول
فيصل: بس سويت شي .. عشانج
اسماء: اي عاد شنو الشي
فيصل: مع الأيام بتعرفين
اسماء: انا لله ..
فيصل ابتسم: نفس ماتسوين لي ..
اسماء: وحده بوحده ؟
فيصل: طقه بطيحه
اسماء ابتسمت: بوسعوود؟
فيصل: عيووووون بو سعود انتي .. آمري
اسماء: باجر ان شاالله بروح محل الأثاث .. وبختاار لك .. وبقولك وين عشان تروح تجوفه
فيصل يتطنز: اي حزه بتروحين ؟؟ خل نختاره يميع احسن
اسماء: احلف بس ؟
فيصل: جانزييييييييين .. انزين قوليلي وين بتروحين وانا بتم اهناك انطرج ..
اسماء: لتخليني اهوّن الحين ؟؟
فيصل: لا بس خلاص .. كل شي ولا تهونين
اسماء: بعطيك اسم المحل .. وبحجزه وروح جوفه .. اوكي ؟
فيصل: آآيه عليج ماتقصرين والله
اسماء: افا عليك .. ولو ؟ جرمال عيونك على قولتك
فيصل: ويا من بتروحين؟
اسماء: مالي الا رفيجتي ..
فيصل: انزين انا مابيها تختار لي وياج .. ابيج تختارين بروحج
اسماء: امممممممم
فيصل: اي يعني بتقولج لا جن ذاك احلى ومادري شنو .. مابي
اسماء: انزين بقول لها تسكت وماتقول رايها
فيصل: لا مب جذي .. بس مابي احد يأثر عليج
اسماء: ان شاء الله
فيصل: روحي نفس المكان اللي قلت لج لان في اشيا حلوه .. ومن هناك اختاري
اسماء: ان شاالله
فيصل: احبج
اسماء ويهه صار احمر: .......
فيصل ابتسم: حبيبتي والله .. وراج جامعه ؟
اسماء: اي ..
فيصل: زين عيل اخليج ترتاحين الحين
اسماء: لا عادي مرتاحه ويااك
فيصل استحى: ها ؟؟
اسماء تفشلت: ها ؟
فيصل من صجه: عيدي شقلتي ؟؟
اسماء متفشله: نسيت
فيصل مصمم: عاد قولي شقلتي ..
اسماء: ماقلت شي
فيصل من صجه: قوووولي قلت لج
اسماء: قلت لك شسمه
فيصل: شسمه ؟
اسماء: شسمونه ..
فيصل: قوووووولي
اسماء: قلت لك عادي مرتاحه جذي
فيصل: جذي ؟
اسماء: ويااك
فيصل ابتسم: وياي ؟ صج عاد ؟
اسماء: بس عاااااااد ترى والله استحي
فيصل: زين خلاص خلاص .. بس استانست ..
اسماء: صج؟
فيصل: اي والله ..
اسماء: عيل خلني اكلمك
فيصل: يعني انا مابي؟ افا عليج بس .. كنت ابيج ترتاحين
اسماء: انزين شوي بس .. وعقب بروح ارقد
فيصل: اوكي معليه .. شسويتي اليوم؟
اسماء: ماسويت شي .. كلعاده .. عند رفيجتي .. انت شسويت ؟
فيصل: انا تميت ويا لصبيان فلميلس ..
تمو يسولفون نص ساعه .. عقب فيصل خلاها ترقد ..

ريم قامت الصبح مستاااانسه حدها
نزلت تحت ونجود كانت تتريق وياامها
ريم: صباح الخييييييير
ام فيصل: صباح النور هلا هلا
نجود وهي تاكل: مب زين لج لتريقين
ريم عفست ويهه: لتحجين وفي حلجج الأكل .. لوعتي جبدي
نجود بلعمدن: احسن عشان ماتاكلين ..
ريم تحرها: اصلن بتريق في ستاربكس عقب ..
ام فيصل تشرب الجاي .. تحاجي نجود: يوزي
ريم توها مستوعبه: تعالي ؟؟ صارت 8 ونص ومارحتي المدرسه ؟
نجود: فيصل راقد .. ماحبيت اقومه وازعجه .. وابوي طالع من الصبح مالحقت عليه..
الا فيصل نازل مستعيل: يالله نجودو بسرعه تأخررت
نجود تتحلطم بلعدال: لي طريت الجلب .. عمره طويل يامال الويعه
ام فيصل معصبه: قومي لتأخرين اخوج
فيصل وهو طالع: ان ماييتي مشيت عنج
نجود بسرعه قامت: يعني مايخلي الواحد يتهنى بلقمته (طلعت وراه)
ريم تحاجي امها: يمه يمكن نتأخر ونتغدى برا ..
ام فيصل: انزين عاد قوليلي اذا تبين ارفع لكم ولا شي ..
ريم: ان شاء الله
ام فيصل: قعدي اكلي لج شي لتطلعين علرييج
ريم وهي طالعه: لا يمه عادي .. مع السلامه
ام فيصل: الله يحفظج حبيبتي


فلبريك .. فلمدرسه
نجود متربعه ومتسنده علطوفه .. تاكل جبس ويمها قوطي البيبسي ..
ورفيجتها مجابلتها ومتربعه

ياات بوصلوح (منيره) تسندت عالطوفه اللي مجابلتهم وتمت تطالعها
نجود تتحلطم : اففف يات السندااره
عايشه: حقريها يزعم ماتدرين
نجود: ياربي ماستحملها .. شتبي ذي؟
عايشه: الحمدلله والشكر بس .. اكلي اكلي
نجود يزعم تقرا شمكتوب فلجبس: مادري اقوم ابكسها في بطنها الدعله ؟
عايشه: قعدي مكانج لتسوين لج سوالف
شوي االا يايتهم المعلمه .. راحت صوب نجود: السلام عليكم
نجود رفعت راسها: هلا وعليكم السلام
المعلمه: ها نجود .. ماسلمتي التقرير ليلحين .. متى ناويه تسلمينه ان شاءالله؟
نجود طقت راسها : اففففف .. نسيت .. باجر باجر بييبه
المعلمه: كل يوم تقولين لي باجر ؟ ترى بنزل لج صفر؟
نجود تتحلطم بلعدال: بصفر لج ويهج عاد
المعلمه ماسمعت: باجر اكيد ؟
نجود: ان شاالله
راحت المعلمه عنهم ..
عايشه: يبيلها عاد باجر ..
نجود: ختولي زين
عايشه: نجودو يبيلها احسن لج ..
نجود: شاييب لها ؟ من وين اطلع لها يعني؟
عايشه: اي شي ..
نجود ابسمت: شرايج تسوينلي ؟
عايشه: وه عليج .. انزين بسويلج .. بس بشرط
نجود: آآمري تدللي
عايشه ابتسمت: ضبطيني
نجود ابتسمت: افا علييييييييييييج .. اضبطج واضبط ابوج
عايشه: لا بس انا .. ابوي مايحتاي
نجود: اوكي ..
عايشه: يعني اعتمد؟
نجود: اعتمدي (رفعت راسها وذيج للحين تخزها .. قامت نجود وحطت صبعينها في عينها .. مادخلتهم يعني بس جريب .. يعني " بط في عينج" )
عايشه: يووووووزي عنها انتي ..
نجود: ختولي .. امساعه تخز
طق الجرس وبسرعه قامت وسبحت رفيجتها: قووووووومي لتفضحينه بس ..


ريم وأسماء من أول محل دشوه حصلولهم فساتين نااعمه .. حرير وينربطون علرقبه ..
فلخصر في قصه وشوي يصير وسييع .. له ذييل طويل .. ثنتينهم خذوا نفس الشي بس اللون غير .. ريم أسود وأسماء ماروني
.. وسيده راحوا محل الأثاث
اسماء قالت لها ان حق اخوها ..
ريم تحاجي اسماء: اسوم انا بقعد عالكرسي .. بكلم ناصر
اسماء: اي شعليج .. كل شي عالمكشووف
ريم ابتسمت: اذا عجبج شي ناديني بجوف
اسماء: ان شاءالله .. تمي تمي
اسماء خذتها فرصه .. وقعدت تدور تدور
وريم تمت تسولف ويا ناصر ..
ناصر: حبيبتي ؟
ريم: همم ؟
ناصر: كله اتخيل اذا بجوفج .. مادري شسوي ؟
ريم ابتسمت: وانا بعد
ناصر: صج صج شسوي ؟
ريم: انا اللي شسوي ؟
ناصر: لا يعني ممممممم ..
ريم: مممم
ناصر: مادري
ريم: ولا انا .. بس تدري ؟
ناصر: شنو؟
ريم: فيصل ..
ناصر: يعني ان بيي ؟ شعلي منه ؟؟
ريم: لا بس استحي
ناصر: انا ماستحي من أحد ..
ريم: ها ؟
ناصر: ههههههه لا اقصد ماعلي من فيصل ولا من غيره .. اهم شي انتي
ريم استحت: بس
ناصر: لتقعدين تتبسبسين علي .. قالولكم عن السكن شي ؟
ريم: قالو حق فيصل ..
ناصر: يعني اهمه بيحجزون لكم ..؟
ريم: اهمه كانوا يدرون سكن جريب من الجامعه .. بس مادري شسالفه الحين
ناصر: تبين ادور لج ؟
ريم: لا مشكووور .. فيصل قال بيجوف
ناصر: لا رفيجي شقته يم الجامعه ..
ريم: ليش انت مب يمها؟
ناصر: امبلا بس اهوه اجرب .. يعني حق الكساله مثله ..
ريم: يسلام؟
ناصر: اي بس عنااد اخليه يمر علي ويطول الطريج
ريم: مسكيييييييييين
ناصر: بسأله .. وبكلم فيصل بسأله بعد شقالوله بالضبط
ريم: اي زين .. طبعا باجر لان بترقد الحين ؟
ناصر: لا ربعي ينطروني بروح اتعشى وياهم وبعدين بايي آآرقد
ريم: زين بلعافيه
ناصر: احبج
ريم: وانا بعد
ناصر: انا لله .. ماحبها هال " أنا بعد " .. قوليلي انتي شنو ؟
ريم استحت: اووه ناصر؟
ناصر: عيووووووون ناصر انتي .. آمري
ريم: لتحرجني
ناصر: خلاص آآسف
ريم: زين عيل روح حق ربعك لتأخر
ناصر: عااادي شعلي منهم
ريم: لا لا مب عدله .. روح لهم وباجر اكلمك ان شاالله
ناصر: قبل لارقد بتصل لج .. يعني بالله عليج ارقد بدون ماسمع صوتج ؟
ريم: يسلام؟
ناصر: اذا تبيني احلم كوابيس وحاله لتردين علي
ريم ابتسمت: ان شاءالله بكلمك
ناصر: ترى مب غصب اذا ماتبين
ريم: وييي ناصر شفيك؟
ناصر: اتغشمر يبه شفيج؟
ريم: مافيني شي .. يالله فديتك اخليك
ناصر: انا اللي فديتج .. تحملي فروحج ابوي
ريم: وانته بعد
ناصر: اوهو غيرتيها الحين ؟ مساعه انا بعد والحين انته بعد ؟
ريم تعدل: ناصر .. تحمل فروحك ابوي
ناصر ابستم: اي .. هلون الحجي السنع
ريم: يالله مع السلامه
ناصر: طاوعك قلبك تخليني وترووووووح ؟
ريم: ناصر؟
ناصر: آيه عليييييييييج .. يالله حبيبتي .. مع السلامه
ريم: الله يسلمك ..
ريم طرشت له مسج
(صوتك أسرني وصرت "بجد" أحتاجه.
في كل لحظه،أحسه.. مايفارقني،
أموت في جرأته..وأموت بإحراجه..
لك صوت والله ماغيره يروقني..!
وقبل النهاية::
طلبتك بس هالحاجه..
ياليت هالصوت،،،ليله
مـايفارقنــــي))
عقب شوي
ناصر طرش لها
( أبغيك مثل الــ/ ورد في الروح مزروع
والروح والاحساس والنفس بيتك
أبغيك مثل الــ/ نور في العين مطبوع
وأنظرك يوم أشتاق شوفك فديتك
أبغيك مثل الــ/ طير له صوت مسموع
صوت يداعب مسمعي لو "بغيتك" )
قامت طرشت له
(لين إنتلاقى ياحبيبي على خير
الله يصبرنـي على حرقة الشـوق )
ناصر خذ تلفونه وحبه =*
أسماء .. دشوا خاطرها ميلس وغرفة نووم .. حدهم بسيطين وموودرن ..

ماترددت سيده حجزتهم باسم بوسعود وعطتهم رقمه وراحت حق ريم
اسماء: ماعجبني شي
ريم كانت تحوس في تلفونها .. يوم يات اسماء سيده حطته وقامت: اافاء ؟ليش ؟؟ يمكن مادورتي عدل ؟
اسماء: امبلا دورت .. بس ماظنتي يعجبون رشود .. بس امشي
ريم: انزين بنروح محل ثاني
اسماء: لا لا مايحتاي .. يوم ثاني بروح وياه انا
ريم: لا اسوم بنروح مكان غير ..
اسماء: لا ريمو والله مايحتاي .. اهم شي شرينه الفساتين ..
ريم: اسوم ؟
اسماء: والله مايحتاي شفيج ؟ كلمتيه حبيب القلب؟
ريم: آيه عليه .. اي كلمته ..
اسماء: انزين نروح نتغدى؟
ريم: يالله ..
اسماء: وين نروح؟
ريم: امممممم .. تبين فدز ؟؟
اسماء: يالله ..
فلمطعم ..
اسماء وصل لها مسج من فيصل
( ياترى تشتاق لي وأنت بعيد ؟!
تبغى قربي مثل مااتمنى لقاكـ ؟!
ياترى حبكـ مثل حبـي يزيد ؟!
ياترى تحتاجني دايم معاكـ ؟!
ودي أسأل خافقكـ هذا السؤال
واعتبر ياسيدي هذا فضول ..
هل صحيح تحبني أو هو خيــال ؟!!
أنشدكـ بالله جاوبنــي وقول ؟!)
تشققت .. وقرت حق رفيجتها المسج
ريم: اللاااااي طرشيلي ايااه
اسماء: امبيه ماعرف شقول له ؟
ريم: امممممم نطري .. بطرش لج واحد جوفيه
طرشت لها واسماء سيده طرشته له
(التفت بـ الهون و اسمع غلاك ..
ودّي اسولف على كيفي و أقول ..
إيه احبك موت و أتنفس هواك ..
و العمر وياك يا ليته يطول ..
و اطلب عيوني و انا كلّي فداك ..
و اعتبر ما تطلبه عندك وصول .. )
فيصل جاف المسج وتشقق ..
قام يدور لها شي ..
طرش لها
( مشتاق صدقني لشوفك ولقياك..
وكل العيون بلاعيونك ممله..
أسمك على لساني** وشوقي لملقاك..
ورسمك ترى في وسط قلبي محله..
كلي أمل تجمعني الأيام وياك..
يامالك القلب مع العقل كله
** صج اني ماعرف اسمج .. بس يالله ولاتزعلين حرفج)
اسماء تصارخ: مااااااااااااااااستحمل !!
ريم: هههههههههههه يبي يجوفج الريال ..
اسماء: انا بعد ميته ابي اجوفه .. بس شلون ؟
ريم: الصبر زين يختج .. مسكين جوفي شلون يبي يعرف اسمج؟
اسماء ببراءة: ريمو من صجي احبه
ريم ابستمت: حبتج العااافيه .. اهوه بعد يحبج ان شاالله
اسماء تشرب بيبسي: ريجي نشف
ريم : يحليلها العاشقة الولهانه .. كملي اكلج
اسماء ابتسمت: شبعت
ريم: كلام حلو ؟
اسماء: ههههههههههههه
ريم: اكلي اكلي
اسماء: ورا انتي ماتاكلين ؟
ريم: هذاني

فلبيت
عقب ماكملوا غدا
نجود قعدت جدام التلفزيون تجوف الحلقه .. يعني متربعه جدامه حدها لاصقه
نجود تاخذ نف
س: يااااااااااربي .. ماستحمل ..
ام فيصل طلعت من المطبخ: حبيبتي رجعي شوي مب زين
نجود ولا جنها تسمع: تحطييييم .. شهالجماال ياربي (التفتت على امها) يمه تعالي جوفي
ام فيصل: اي قعدي علكراسي اول
نجود تاخذ نفس: ماقدر يمه ماقدر .. (التفتت عليها) يمه جوفي الجمال وتحسري على جمال ريلج
ام فيصل: وه ؟ استحي على ويهج
نجود وعينها عالتلفزيون: يمه يمه بذمتج .. مب احلى من ابوي ؟
ام فيصل ابتسمت: بقول له صبري
نجود التلفتت عليها: خراب بيوت انتي
ام فيصل: انا ولا انتي ؟
نجود تطالع التلفزيون: يمه جوفيييييييي .. واي واي واي ماستحمل
ام فيصل: الحمدلله والشكر .. مادري من عليه طالعه
نجود: الحمدلله والشكر
ام فيصل: قومي درسي احسن لج .. اذا جافج اخوج بيزفج
نجود: بقوم بقوم .. بس شوي بتكمل
ام فيصل دشت غرفتها: قعديني الساعه 5
نجود: اوكي
عقب نص ساعه دشوا ريم واسماء
نجود كملت الحلقه وتمت تفرر فلتلفزيون
ريم واسماء: السلااام عليكم
نجود التفتت عليهم: وعليكم السلام ...
ريم واسماء ركبوا فووق يقايسوون ثيابهم
ريم: انا بروح غرفة نجود ببدل وانتي تمي هني ..
اسماء: اوكي
بدلوا وطلعوا ..
اسماء واقفه عند الباب وريم مجابلتها ..
فيصل بطل الباب .. بابه مجابل باب غرفة ريم
من بطله جاف اسماء بالفستاان سيده نزل راسه وصك الباب
ريم التفتت واسماء مبطله حلجها ومب مستوعبه
ريم سبحتها ودشوا داخل وصكت الباب
اسماء تصك وتبطل في عينها
ريم تغير السالفه: حلااااااااا حلااااا .. حلاا علييييج
اسماء نست .. قامت تدوور : شرايج؟
ريم: قمر ماشالله .. ترى انتي اللي محليه الفستان ماشالله عليج
اسماء استحت: وااااااي وينك يابوسعود تجوفني
ريم: هههههههههههه
اسماء: بقوم ابدل لاصدق روحي الحين ..(توها مستوعبه) اللااااااااااي ريمو حلو عليج
ريم رفعت حاجبها: تو الناس
اسماء: لا والله وايد حلو .. صايره ناااااااااعمه
ريم ابتسمت: اصلن من زمان انا نااعمه
اسماء: ادري فيج .. انتي الناعمه وانا الدفشه ها ؟
ريم: لا شدعوه ؟
اسماء سبحتها وراحوا صوب المنظره: شحليلنه
ريم: مب جنه توم ؟
اسماء: امبلا تصدقين ؟
ريم ابسمت: زين خنبدل لنينن الحين
اسماء تهز جتفها وخصرها يزعم ترقص
ريم: عقلي .. يالله بروح ابدل انا
اسماء: اوكي يالله
عقب مابدلوا
ريم مجابله المنظره ترفع شعرها : يبيله قص
اسماء: يالله امشي نروح
ريم: لا مافيني شده .. تعبت اليوم
اسماء: انزين تبين اعدله لج من تحت ؟
ريم: امممممم .. من صجج ؟
اسماء: بس شوي من تحت .. مابقص وايد
ريم: اخاف تخربينه ؟
اسماء: لا لا افا عليج .. شوي بس
ريم خايفه: من صجج؟
اسماء: اي والله .. يالله امشي
ريم: نطري بييب لي سفرة مادري سماط مادري شسمه
اسماء: ومقص بعد
ريم راحت يابت الاغراض وفرشت لها السفره وتربعت عالأرض
س: يااااااااااربي .. ماستحمل ..
ام فيصل طلعت من المطبخ: حبيبتي رجعي شوي مب زين
نجود ولا جنها تسمع: تحطييييم .. شهالجماال ياربي (التفتت على امها) يمه تعالي جوفي
ام فيصل: اي قعدي علكراسي اول
نجود تاخذ نفس: ماقدر يمه ماقدر .. (التفتت عليها) يمه جوفي الجمال وتحسري على جمال ريلج
ام فيصل: وه ؟ استحي على ويهج
نجود وعينها عالتلفزيون: يمه يمه بذمتج .. مب احلى من ابوي ؟
ام فيصل ابتسمت: بقول له صبري
نجود التلفتت عليها: خراب بيوت انتي
ام فيصل: انا ولا انتي ؟
نجود تطالع التلفزيون: يمه جوفيييييييي .. واي واي واي ماستحمل
ام فيصل: الحمدلله والشكر .. مادري من عليه طالعه
نجود: الحمدلله والشكر
ام فيصل: قومي درسي احسن لج .. اذا جافج اخوج بيزفج
نجود: بقوم بقوم .. بس شوي بتكمل
ام فيصل دشت غرفتها: قعديني الساعه 5
نجود: اوكي
عقب نص ساعه دشوا ريم واسماء
نجود كملت الحلقه وتمت تفرر فلتلفزيون
ريم واسماء: السلااام عليكم
نجود التفتت عليهم: وعليكم السلام ...
ريم واسماء ركبوا فووق يقايسوون ثيابهم
ريم: انا بروح غرفة نجود ببدل وانتي تمي هني ..
اسماء: اوكي
بدلوا وطلعوا ..
اسماء واقفه عند الباب وريم مجابلتها ..
فيصل بطل الباب .. بابه مجابل باب غرفة ريم
من بطله جاف اسماء بالفستاان سيده نزل راسه وصك الباب
ريم التفتت واسماء مبطله حلجها ومب مستوعبه
ريم سبحتها ودشوا داخل وصكت الباب
اسماء تصك وتبطل في عينها
ريم تغير السالفه: حلااااااااا حلااااا .. حلاا علييييج
اسماء نست .. قامت تدوور : شرايج؟
ريم: قمر ماشالله .. ترى انتي اللي محليه الفستان ماشالله عليج
اسماء استحت: وااااااي وينك يابوسعود تجوفني
ريم: هههههههههههه
اسماء: بقوم ابدل لاصدق روحي الحين ..(توها مستوعبه) اللااااااااااي ريمو حلو عليج
ريم رفعت حاجبها: تو الناس
اسماء: لا والله وايد حلو .. صايره ناااااااااعمه
ريم ابتسمت: اصلن من زمان انا نااعمه
اسماء: ادري فيج .. انتي الناعمه وانا الدفشه ها ؟
ريم: لا شدعوه ؟
اسماء سبحتها وراحوا صوب المنظره: شحليلنه
ريم: مب جنه توم ؟
اسماء: امبلا تصدقين ؟
ريم ابسمت: زين خنبدل لنينن الحين
اسماء تهز جتفها وخصرها يزعم ترقص
ريم: عقلي .. يالله بروح ابدل انا
اسماء: اوكي يالله
عقب مابدلوا
ريم مجابله المنظره ترفع شعرها : يبيله قص
اسماء: يالله امشي نروح
ريم: لا مافيني شده .. تعبت اليوم
اسماء: انزين تبين اعدله لج من تحت ؟
ريم: امممممم .. من صجج ؟
اسماء: بس شوي من تحت .. مابقص وايد
ريم: اخاف تخربينه ؟
اسماء: لا لا افا عليج .. شوي بس
ريم خايفه: من صجج؟
اسماء: اي والله .. يالله امشي
ريم: نطري بييب لي سفرة مادري سماط مادري شسمه
اسماء: ومقص بعد
ريم راحت يابت الاغراض وفرشت لها السفره وتربعت عالأرض

shoot bchoof ???
he'll know that hay asma2 ???
:p


..